Fundur 70

70. fundur Fræðslunefndar haldinn í bæjarstjórnarsal, mánudaginn 4. desember 2017 og hófst hann kl. 17:00.


Fundinn sátu:

Þórunn Svava Róbertsdóttir formaður, Klara Halldórsdóttir aðalmaður, Ámundínus Örn Öfjörð aðalmaður, Ómar Örn Sævarsson aðalmaður, Guðmundur Grétar Karlsson aðalmaður, Valdís Inga Kristinsdóttir áheyrnarfulltrúi, Fríða Egilsdóttir leikskólastjóri, Guðbjörg Málfríður Sveinsdóttir grunnskólastjóri, Bylgja Héðinsdóttir aðstoðarleikskólastjóri og Sæborg Reynisdóttir áheyrnarfulltrúi.

Fundargerð ritaði: Ingibjörg María Guðmundsdóttir, yfirsálfræðingur.

Dagskrá:

1. 1703062 - Húsnæðisáætlanir: Undirbúningur og gerð
Lögð fram skýrslur um áætlanir um fólksfjölgun í Grindavík ásamt minnispunktum. Fræðslunefnd ítrekar fyrri bókun frá 66. fundi fræðslunefndar um að hafinn verði nú þegar undirbúningur að hönnun og skipulagi skólahúsnæðis á báðum skólastigum og fagnar því að gert sé ráð fyrir fjármagni fyrir hönnun í fjárhagsáætlun 2018.

2. 1512018 - Skólaskrifstofa: Brúum bilið milli skólastiga
Lögð fram áætlun um samstarfsverkefni leik- og grunnskóla Brúum bilið ásamt samantekt sem gerir grein fyrir hvernig ýmis samstarfsverkefni birtast í opinberum gögnum skólanna. Til að viðhalda góðu samstarfi milli skólastiganna eru samráðsfundir um fagleg málefni nauðsynlegir og verða boðaðir af skólaskrifstofu.

3. 1711093 - Ytra mat Námsmatsstofnunar á Grunnskóla Grindavíkur
Lagt fram bréf frá Menntamálastofnun um að Grunnskóli Grindavíkur hefur verið valinn til ytra mats vorið 2018. Þungamiðja matsins er stjórnun, nám og kennsla og innra mat skólans og sveitarfélagið hefur val um fjórða matsþáttinn. Fræðslunefnd í samráði við skólastjóra, leggur til við Menntamálastofnun að fjórði þáttur verði a)skólahúsnæði - nýting og gæði, b) skólamenning og c) ímynd skólans í samfélaginu.


Fleira ekki gert. Fundi slitið kl. 18:15.

 

Grindavík.is fótur