Minja- og sögufélag Grindavíkur hlaut Menningarverđlaun Grindavíkur 2017
Minja- og sögufélag Grindavíkur hlaut Menningarverđlaun Grindavíkur 2017

Stofnun Minja- og sögufélags Grindavíkur átti sér nokkuð langan aðdraganda en lengi hafa verið uppi hugmyndir um að stofna í Grindavík byggðasafn til þess að varðveita minjar úr sögu Grindavíkur. Þær hugmyndir urðu loks að veruleika í nóvember 2013 þegar Minja- og sögufélag Grindavíkur var formlega stofnað. Svo til allir sem mættu á þann fund enduðu í fyrstu stjórn félagsins, en hana skipuðu Hallur Gunnarsson formaður, Siggeir F. Ævarsson, gjaldkeri, Einar Lárusson varaformaður, Þórunn Alda Gylfadóttur ritari, og Örn Sigurðsson meðstjórnandi.

Tilgangur félagsins er að stuðla í samvinnu við aðra að varðveislu menningarminja í Grindavík. Einnig að vekja áhuga fólks á sögu og forni menningu sveitarfélagsins og minjum um horfna tíma. Félagið hefur í dag í varðveislu sinni um 1.400 muni af ýmsum toga og er ávallt reiðubúið að bæta í safnið. Þeir sem hafa í fórum sínum muni sem þeir vilja koma til félagsins geta haft samband við Örn í síma 869-6820 eða Hall í síma 821-5304.

Félagið hefur aðstöðu á efri hæð Kvennó og þar er opið hús og heitt á könnunni flest miðvikudagskvöld kl. 20:00. Viðburðir og uppákomur á vegum félagsins eru auglýstir á Facebook-síðu þess, en hana má finna með því að slá inn „Minja- og sögufélag Grindavíkur" í leitinni á Facebook. Þeir sem hafa áhuga á að ganga í félagið eða taka þátt í starfinu á einn eða annan hátt eru hvattir til að kíkja í kaffi í Kvennó og kynna sér starf félagsins.

Eitt af fyrstu verkum félagins var að kaupa fasteignina Bakka, en Bakki er elsta uppistandandi verbúð á Suðurnesjum. Kaupin voru stór biti fyrir lítið félag sem var enn að slíta barnsskónum en með þrautlausri vinnu félagsmanna og dyggum stuðningi frá fyrirtækjum og félagasamtökum í bænum tókst að fjármagna kaupin. Nú er unnið að endurgerð Bakka og fékkst á dögunum styrkur í verkið úr Uppbyggingarsjóði Suðurnesja að upphæð 3.000.000 króna. Þá hefur Grindavíkurbær stutt vel við bakið á félaginu en haustið 2015 var skrifað undir samstarfssamning félagsins og bæjarfélagsins sem gildir til ársins 2018. Félagið hefur frá stofnun verið virkur þátttakandi í Menningarviku og menningarlífi hér í bænum og til að mynda staðið fyrir ljós- og kvikmyndasýningum, sögugönguferðum og fyrirlestrum. Hefur tilkoma félagsins verið sannkölluð vítamínsprauta í menningarlíf okkar Grindvíkinga.

Framkvæmdir við Bakka eru þegar hafnar og búið er að skipta um þak á húsinu. Tafir urðu þó á framkvæmdunum þar sem að kvikmyndafyrirtækið Zik Zak tók húsið á leigu til að taka upp kvikmyndina „Ég man þig" eftir Yrsu Sigurðardóttur. Þeim tökum er nú lokið og munu framkvæmdir vonandi fara á fullt með vorinu. Í framtíðinni mun Bakki vonandi verða nokkurs konar ígildi byggðasafns þar sem hægt verður að varðveita og sýna þá muni sem félagið hefur nú í sinni varðveislu.

Stjórn félagsins veturinn 2016-17, standandi frá vinstri: Marta Karlsdóttir gjaldkeri, Hallur Gunnarsson formaður og Viðar Geirsson ritari. Sitjandi frá vinstri: Örn Sigurðsson meðstjórnandi og Einar Lárusson, varaformaður.

 

Þessi grein birtist upphaflega í 1. tbl. Járngerðar 2017

Nýlegar fréttir

fös. 20. okt. 2017    Tveir fulltrúar Grindavíkur í Kórum Íslands á sunnudaginn
fös. 20. okt. 2017    Grindavík tapađi í Keflavík í hörkuleik
fös. 20. okt. 2017    Lestrarátak á yngsta stigi
fös. 20. okt. 2017    Kennsla í tónlistarskólanum 23. október
fös. 20. okt. 2017    Starfsdagur í Grunnskólanum
fim. 19. okt. 2017    Opiđ sviđ á Bryggjunni á föstudaginn
fim. 19. okt. 2017    DJ Heiđar Austmann á Fish House á laugardaginn
fim. 19. okt. 2017    Tónfundur í sal tónlistarskólans 23. október
miđ. 18. okt. 2017    Skráning félagsmanna UMFG - ert ţú félagi?
miđ. 18. okt. 2017    Vinadeild Grindavíkurkirkju fyrir börn í 2.-4. bekk
ţri. 17. okt. 2017    Dregiđ í Maltbikarnum, Suđurnesjaslagir framundan
ţri. 17. okt. 2017    Grindavík áfram í bikarnum
ţri. 17. okt. 2017    Haustmót JSÍ í Grindavík 21. október
ţri. 17. okt. 2017    Píanó, slagverk, ţverflautu- og söng kynning fyrir krakkana á Laut
mán. 16. okt. 2017    Kynning og kaffi í Kvikunni á afmćlisdegi Guđbergs Bergssonar
mán. 16. okt. 2017    Grindavíkurkonur einar á toppnum eftir sigur á ÍR
mán. 16. okt. 2017    Stjörnuhópur frá Laut heimsćkir tónlistarskólan
mán. 16. okt. 2017    Max's Restaurant auglýsir eftir ţjónum
mán. 16. okt. 2017    Andri Rúnar ađ öllum líkindum á förum frá Grindavík
mán. 16. okt. 2017    Óli Stefán Flóventsson áfram međ Grindavík
mán. 16. okt. 2017    Grindavík lagđi Hauka
fös. 13. okt. 2017    Fimmtánda svćđisţing tónlistarskóla á Suđurlandi og Suđurnesjum
fim. 12. okt. 2017    Kynning og kaffi í kvikunni á afmćlisdegi Guđbergs Bergssonar
fim. 12. okt. 2017    Ađalfundur Hestamannafélagsins Brimfaxa verđur 26. október
fim. 12. okt. 2017    Leikjaskrá körfuknattleiksdeildarinnar komin út
Grindavík.is fótur