Gamli barnakórinn sló í gegn viđ setningu Menningarviku
Gamli barnakórinn sló í gegn viđ setningu Menningarviku

Formleg setning Menningarviku Grindavíkurbæjar fór fram í Grindavíkurkirkju á laugardaginn. Þar var Menningarvikan sett með formlegum hætti, boðið var upp á glæsileg tónlistaratriði þar sem Barnakór Grindavíkur frá 1977-1981 sló í gegn og þá var Bæjarlistmaður Grindavíkur 2016 útnefndur formlega. Vel var mætt á setninguna og að lokum var gestum boðið í veitingar í safnaðarheimilinu. 

Bjartur Logi organisti Grindavíkurkirkju spilaði lék hið kraftmikla Stjörnustríðslag við upphaf setningarinnar.

Gísli Gunnarsson píanóleikari og Olivia Ruth Mazowiecka fiðluleikari og nemendur tónlistarskólans heilluðu alla með flutningi sínum á Kaze no Toorimichi eftir Joe Hisaishi.

Kristín María Birgisdóttir formaður bæjarráðs flutti kveðju bæjarstjórnar.

Erling Snær Viðarsson, Kári Kham Sævarsson og Magnús Engill Valgeirsson spiluðu sexhent á píanó lagið Piano Song en flutningurinn vakti mikla lukku.

Systkinin Magnús Engill og Enika Máney Valgeirsbörn fluttu lagið Heyr mína bæn með miklum glæsibrag.

Þórunn Alda Gylfadóttir formaður frístunda- og menningarnefndar flutti ávarp og setti menningarvikuna formlega.

Barnakór Grindavíkur söng lögin Vikivaki og Malaika undir stjórn Bjarts Loga.

Barnakór Grindavíkur árin 1977-1981 undir stjórn Eyjólfs Ólafssonar flutti fjögur lög við setningu Menningarvikunnar. Eftir að upptökur úr Stundinni okkar af kórnum frá árinu 1978 birtust á Youtube ákváðu stelpurnar að koma saman á ný og æfðu þær markvisst undi stjórn Eyjólfs áður en kórinn kom fram á setningarhátíðinni. Öll lögin sem kórinn söng voru eftir Eyjólf. Þar af frumflutti kórinn nýtt lag sem Eyjólfur samdi sérstaklega í tilefni þess að kórinn kom saman að nýju.

Þær fóru létt með að syngja lögin tæpum 40 árum seinna. Einn kórmeðlimur kom gagngert frá Svíþjóð til þess að taka þátt í þessu skemmtilega verkefni. Þá kom önnur austan af fjörðum til að vera með.

Stelpurnar í Barnakór Grindavíkur færðu Eyjólfi blóm í lokin. Frá vinstri: Sólný, Eyjólfur, Harpa og Rósa.

Eyjólfur gerði víðreist með barnakórinn á sínum tíma.

Þorsteinn Gunnarsson sviðsstjóri frístunda- og menningarsviðs var kynnir við setningarhátíðina.

 

Nýlegar fréttir

fim. 18. jan. 2018    Ţorrablót á Króki á morgun
fim. 18. jan. 2018    Grindavík lagđi Keflavík - Dagur Ingi skorađi tvö
miđ. 17. jan. 2018    Kennarar úr Kópavogi í heimsókn
miđ. 17. jan. 2018    Handverk og hönnun - kynningarfundur í Kvikunni á morgun
miđ. 17. jan. 2018    Grćnfánanum flaggađ viđ Laut í fjórđa sinn
miđ. 17. jan. 2018    Pabba og afakaffi á Laut föstudaginn 19. janúar
miđ. 17. jan. 2018    Matseđill nćstu viku í Víđihlíđ
miđ. 17. jan. 2018    Fjölnisstúlkur fóru međ öll stigin úr Mustad-höllinni
miđ. 17. jan. 2018    Snyrtilegir fyrstu bekkingar
miđ. 17. jan. 2018    Óskilamunir
ţri. 16. jan. 2018    Ađalfundur GG laugardaginn 3. febrúar
ţri. 16. jan. 2018    Brennibolti í Hópinu nćstu tvo fimmtudaga
ţri. 16. jan. 2018    Flugukastnámskeiđ í Hópinu á sunnudögum
ţri. 16. jan. 2018    Björn Berg og Hákon Ívar áfram í Grindavík, Milos og Magnús Björgvins á förum
ţri. 16. jan. 2018    Grindavík gerđi jafntefli viđ FH í Fótbolta.net mótinu
ţri. 16. jan. 2018    Íbúafundur um Sjóarann síkáta í dag
mán. 15. jan. 2018    Grindavíkurstúlkur bikarmeistarar í 9. flokki
mán. 15. jan. 2018    Sigmundur Davíđ milliliđalaust á Bryggjunni á morgun
mán. 15. jan. 2018    Jón Axel stigahćstur í sigri Davidson
mán. 15. jan. 2018    Grindavíkurstúlkur bikarmeistarar í 10. flokki
fös. 12. jan. 2018    Opiđ sviđ á Bryggjunni föstudaginn 19. janúar
fös. 12. jan. 2018    Dósasöfnun meistaraflokks kvenna frestast aftur vegna veđurs
fös. 12. jan. 2018    Icelandic courses at MSS - Beginners and advanced
fim. 11. jan. 2018    Mest lesnu fréttir ársins 2017
fim. 11. jan. 2018    Grindavíkurstúlkur í bikarúrslitum um helgina
Grindavík.is fótur